குரோம்பேட்டை எம்ஐடி கல்லூரியின் முன்னாள் மாணவர்கள் பல்வேறு துறைகளில் சிறந்து விளங்குவதாக உயர் கல்வித்துறை அமைச்சர் பொன்முடி தெரிவித்துள்ளார். இக்கல்லூரியின் 75-ம் ஆண்டு நிறைவு விழா நிகழ்ச்சியில் கலந்துகொண்டு பேசிய அவர், முன்னாள் குடியரசு தலைவர் அப்துல்கலாம், இஸ்ரோ முன்னாள் தலைவர் சிவன், எழுத்தாளர் சுஜாதா உள்ளிட்டோர் இக்கல்லூரியில் படித்ததாக தெரிவித்தார். துணை வேந்தர்கள், தொழிலதிபர்கள் என அனைத்து துறைகளிலும் எம்ஐடி கல்லூரியின் முன்னாள் மாணவர்கள் சிறந்து விளங்குவதாக அவர் பெருமிதம் தெரிவித்தார். எம்ஐடி கல்லூரியின் 75-ம் ஆண்டு விழாவில் பங்கேற்று பேசிய அமைச்சர் பொன்முடி, தமது வழக்கமான, மாணவி திலகவதி குறித்த கதையை பேசினார்.