2026 சட்டமன்ற தேர்தலில் அதிமுக ஒருங்கிணைந்து உறுதியாக வெற்றி பெறுவோம் என்று முன்னாள் முதல்வர் ஓ.பன்னீர்செல்வம் நம்பிக்கை தெரிவித்துள்ளார். தென்காசி மாவட்டம் சங்கரன்கோவில் அருகே உள்ள நெற்கட்டும்செவல் கிராமத்தில், சுதந்திரப்போராட்ட வீரர் பூலித்தேவரின் 309வது பிறந்தநாளையொட்டி, அவரது உருவச்சிலைக்கு ஓ.பன்னீர்செல்வம் மாலை அணிவித்து மரியாதை செலுத்தினார். பின்னர், ஓ.பன்னீர்செல்வத்திற்கு வீர வாள் பரிசாக வழங்கப்பட்டது. தொடர்ந்து செய்தியாளர்களை சந்தித்த அவர், தமிழகத்தில் சட்டம் ஒழுங்கு சீர்கெட்டுள்ளதாகவும், அரசு நடவடிக்கை எடுக்காவிட்டால் போராட்டம் நடத்தப்படும் என்றும் கூறினார்.