கரூர் தொகுதி பாஜக வேட்பாளர் செந்தில்நாதன் ஆட்டோ ரிக்சா ஓட்டி பிரச்சாரத்தில் ஈடுபட்டார். புதுக்கோட்டை மாவட்டம், விராலிமலை சட்டமன்ற தொகுதிக்குட்பட்ட பல்வேறு பகுதிகளில் பாஜக வேட்பாளர் செந்தில்நாதன் இன்று தீவிர தேர்தல் பரப்புரையில் ஈடுபட்டார். பிரச்சாரத்தின்போது முதியவர்கள் காலில் விழுந்த செந்தில்நாதன் தாமரை சின்னத்திற்கு ஆதரவு திரட்டினார். பின்னர் சிறுவர், சிறுமிகளின் வேண்டுகோளை ஏற்று, அவர்களை ஆட்டோவில் அழைத்து சென்று மகிழ்ச்சி அடைந்தார். தொடர்ந்து, அந்த பகுதி மக்களிடம் தாமரை சின்னத்துக்கு தீவிர வாக்கு சேகரிப்பில் ஈடுபட்டார்.