தமிழ்நாடு மீன்வளம் மற்றும் மீனவர் நலத்துறை சார்பில், மிக்ஜாம் புயல் மீட்பு மற்றும் நிவாரணப் பணிகளில் ஈடுபட்ட 1200 மீனவர்களுக்கு நிவாரணப் பொருட்கள் வழங்கும் விழா சென்னை ராயப்பேட்டையில் உள்ள YMCA மைதான அரங்கில் நடைபெற்றது. இதில் அமைச்சர் உதயநிதி ஸ்டாலின் கலந்து கொண்டு நிவாரணப் பொருட்களை வழங்கினார். அமைச்சர்கள், அனிதா ராதாகிருஷ்ணன், சேகர்பாபு, மா.சுப்ரமணியன் உள்ளிட்டோர் பங்கேற்றனர். நிகழ்ச்சியில் பேசிய அமைச்சர் உதயநிதி ஸ்டாலின், இன்னொரு உயிரை காப்பாற்றுபவர் தான் உண்மையான இறைவன் என குறிப்பிட்டார்.