"கொரோனாவை தேவையான நடவடிக்கைகளுடன் எதிர்கொள்கிறோம்" - ஆலோசனை கூட்டத்தில் பிரதமர் மோடி உரை

கொரோனாவை கட்டுப்படுத்துவதற்கான ஆலோசனைக் கூட்டத்தில் பேசிய பிரதமர் மோடி, சுகாதார உள்கட்டமைப்பை மேம்படுத்த வேண்டியது அவசியம் என வலியுறுத்தினார். இது ஒன்றே, தற்போது அதிகரித்து வரும் கொரோனா பாதிப்பை எதிர்கொள்ள உதவும் என்றும் பிரதமர் மோடி கூறினார். கொரோனா பரிசோதனைக்கு உதவும் கருவிகள், பாதுகாப்பு கவச உடைகள், ஆகியவை, போதுமான அளவு கையிருப்பு உள்ளதாகவும் பிரதமர் குறிப்பிட்டார். தற்போது ஒரு கோடிக்கும் அதிகமான பாதுகாப்பு கவச உடைகளும், என்.95 முக கவசமும் கையிருப்பில் இருப்பதாக பிரதமர் மோடி தெரிவித்தார். சிறிய அளவிலான கொரோனா நோயாளிகளுக்கு மட்டுமே வென்டிலேட்டர், ஐ.சி.யூ தேவைப்படுவதாகவும், கொரோனாவை அசாத்திய திறமையுடன் கட்டுப்படுத்தி வருவதாகவும் பிரதமர் மோடி, முதலமைச்சர்களிடையேயான கூட்டத்தில் காணொலி மூலம் உரையாற்றினார்.