"கொரோனா தடுப்பு பணியில் மாநில அரசுகள் தீவிரம்" - மாநில அரசுகளுக்கு பிரதமர் மோடி பாராட்டு

கொரோனா தடுப்பு பணியில் மாநில அரசுகள் காட்டி வரும் தீவிரம் பாராட்டுதலுக்குரியது என மனதின் குரல் நிகழ்ச்சியில் பேசிய பிரதமர் மோடி தெரிவித்துள்ளார். மக்கள் குறைந்தது இரண்டு மீட்டர் இடைவெளியை பின்பற்ற வேண்டும் என்று அறிவுறுத்தியுள்ளார். நெருக்கடியான இந்த தருணத்தில் மக்கள் ஒருவருக்கு ஒருவர் உதவி செய்து வருவது மனிதத்தை வளர்த்துள்ளதாக தெரிவித்த அவர், கொரோனாவுக்கு எதிரான இந்த போராட்டத்தில் நாம் அலட்சியமாக இருக்க கூடாது என்பதே உலக நாடுகள் நமக்கு கற்று கொடுத்த பாடம் என்று குறிப்பிட்டார்.