ஜன. 31ஆம் தேதி கூடுகிறது நாடாளுமன்றம்

நாடாளுமன்ற பட்ஜெட் கூட்டத்தொடர், வருகிற 31ஆம் தேதி  தொடங்குகிறது. தொடர்ந்து பிப்ரவரி 1ஆம் தேதி மத்திய பட்​ஜெட் தாக்கல் செய்யப்படும் என்ற தகவலும் வெளியாகி உள்ளது. ஆண்டின் முதல் கூட்டத்தொடர் என்பதால், முதல் நாளில் குடியரசுத் தலைவர் ராம்நாத் கோவிந்த் உரையாற்றுவார். அதனை தொடர்ந்து பொருளாதார ஆய்வறிக்கை தாக்கல் செய்யப்பட்டு, பிப்ரவரி 1ஆம் தேதி பொது பட்ஜெட் தாக்கல் செய்யப்படும் எனத் தெரிகிறது. பட்ஜெட் கூட்டத் தொடரின் முதல் பகுதி பிப்ரவரி 11ம் தேதி வரையிலும், இரண்டாவது பகுதி மார்ச் 2-ஆம் தேதி தொடங்கி ஏப்ரல் 2ஆம் தேதி வரை நடைபெறும் என தகவல் வெளியாகி உள்ளது.