"புதுச்சேரி காங்கிரஸ் அரசு செயலற்ற அரசு" - முன்னாள் முதலமைச்சர் ரங்கசாமி

புதுச்சேரி மக்களவை தொகுதியில் போட்டியிடும், என்.ஆர்.காங்கிரஸ்   வேட்பாளர் நாராயணசாமியை  ஆதரித்து அக்கட்சியின் தலைவர் ரங்கசாமி, மங்கலம் மற்றும் கணுவாப் பேட்டை பகுதிகளில் தீவிர  பிரச்சாரத்தில் ஈடுபட்டார். அப்போது பேசிய ரங்கசாமி, மக்களவை தேர்தலில் பாஜக கூட்டணி வெற்றி பெறுவதன் மூலம், புதுச்சேரியில் காங்கிரஸ் ஆட்சிக்கு முடிவு கிடைக்கும் என்றும், புதுச்சேரியில் ஆளும் காங்கிரஸ் அரசு,  செயலற்ற அரசாகவும், தேர்தல் வாக்குறுதிகளை நிறைவேற்றாத அரசாகவும் உள்ளதாக ரங்கசாமி குற்றச்சாட்டினார். மேலும், புதுச்சேரியில் நாராயணசாமி தலைமையிலான காங்கிரஸ் அரசு கொண்டு வந்த புதிய திட்டங்களை கூற முடியுமா என்றும் ரங்கசாமி கேள்வி எழுப்பியுள்ளார்.