"பாஜக 2 பேர் கட்டுப்பாட்டில் உள்ளதாக எழுந்த புகார் ஆதாரமற்றது" - மத்திய அமைச்சர் ராஜ்நாத் சிங்

சமீப காலமாக பாஜக, பிரதமர் மோடி மற்றும் கட்சியின் தலைவர் அமித் ஷா ஆகிய இருவரின் கட்டுப்பாட்டில் மட்டுமே இருப்பதாக கட்சிக்குள்ளேயே பேசப்பட்டு வந்தது. இந்நிலையில், இது குறித்து செய்தியாளரிடம் பேசிய, மத்திய அமைச்சர் ராஜ்நாத் சிங், பாஜகவின் தலைவரும், பிரதமரும் ஒன்றாக இணைந்து செயல்படுவது தான், கட்சிக்கு பலம்  என்றார். கட்சி முழுவதும் அவர்கள் இருவரின் கட்டுப்பாட்டில் மட்டுமே இருப்பதாக வரும் கருத்துகள் கற்பனை என்றும் அவர் குறிப்பிட்டார். பாஜகவுக்கு தனி பெரும்பான்மை கிடைக்காத பட்சத்தில் கட்கரி அல்லது ராஜ்நாத் சிங் பிரதமராக வருவார்கள் என உலா வரும் கருத்துக்கு பதிலளித்த அவர், அப்படி ஏதும் நடைபெற வாய்ப்பில்லை என்றார். வருகிற மக்களவை தேர்தலில், பாஜகவுக்கு மூன்றில் ஒரு பங்கு தனிப்பெரும்பான்மை கிடைக்கும் என்றும், மோடி தான் அடுத்த பிரதமர் என்றும் ராஜ்நாத் சிங் உறுதிபட கூறினார்.