அ.தி.மு.க. கூட்டணி வேட்பாளர்கள் வெற்றி பெற செய்யுங்கள் - முதலமைச்சர் வேண்டுகோள்

அ.தி.மு.க கூட்டணி சார்பாக நிறுத்தப்படும் வேட்பாளர்களை லட்சக்கணக்கான வாக்குகள் வித்தியாசத்தில் வெற்றி பெறச்செய்ய வேண்டும் என்று முதலமைச்சர் எடப்பாடி பழனிச்சாமி கேட்டுக் கொண்டுள்ளார். பா.ம.க. தலைவர் ராமதாஸ் அளித்த விருந்தில் பங்கேற்க செல்லும் வழியில், திண்டிவனம் புறவழிச்சாலை அருகே சட்ட அமைச்சர் சண்முகம் தலைமையில் அ.தி.மு.க.வினர்,  முதலமைச்சருக்கு எடப்பாடி பழனிசாமிக்கு வரவேற்பு அளித்தனர். அ.தி.மு.க. நிர்வாகிகள் மத்தியில் பேசிய முதலமைச்சர் எடப்பாடி பழனிசாமி,  அ.தி.மு.க.வின் எதிரிகளை, இந்த நாடாளுமன்ற தேர்தல் மூலம் விரட்டி அடிக்க வேண்டும் என்று கேட்டுக் கொண்டார். அ.தி.மு.க. கூட்டணியில் இன்னும் சில கட்சிகள் சேர உள்ளதாகவும், அ.தி.மு.க. கூட்டணி சார்பாக நிறுத்தப்படும் வேட்பாளர்களை லட்சக்கணக்கான வாக்குகள் வித்தியாசத்தில் வெற்றி பெறச்செய்ய வேண்டும் என்றும், அப்போது  கட்சியினிருக்கு முதலமைச்சர் வேண்டுகோள் விடுத்துள்ளார்.