6,000 கி.மீட்டர் ரயில் பாதையை மின்மயமாக்க திட்டம் - மத்திய அமைச்சர் பியூஸ்கோயல் தகவல்

வரும் நிதியாண்டில் ஆறாயிரம் கிலோமீட்டர் தொலைவுக்கு ரயில் பாதை மின்மயமாக்க திட்டமிட்டு வருவதாக ரயில்வே துறை அமைச்சர் பியூஸ்கோயல் தெரிவித்துள்ளார். டெல்லியில், சர்வதேச எரிசக்தி முகமையின் ஆய்வறிக்கை வெளியிட்டு விழாவில் பேசிய அவர் இதனை தெரிவித்தார்.  5 ஆண்டுகளுக்கு முன்பு 600 கிலோ மிட்டர் மின்மயமாக்கப்பட்ட நிலையில், கடந்தாண்டு மட்டும் நான்காயிரம் கிலோ​ மீட்டர் தொலைவுக்கு மின்மயமாக்கப்பட்டு உள்ளதாக  பியூஸ்  கோயல் தெரிவித்துள்ளார். எல்.இ.டி. பல்புகளில் 14 ஆயிரம் கோடி முதலீடு செய்த நிலையில், ஆண்டுதோறும் 50 ஆயிரம் கோடி ரூபாய் அளவுக்கு மின்சாரம் செலவு குறைவது  மூலம் வருவாய் கிடைப்பதாகவும் அமைச்சர் தெரிவித்தார்.