"மணிப்பூர் உயர்நீதிமன்ற தலைமை நீதிபதி இவர்தான் " - உச்சநீதிமன்றத்தில் மத்திய அரசு தகவல்
மணிப்பூர் உயர்நீதிமன்ற தலைமை நீதிபதியாக சித்தார்த் மிருதுள் விரைவில் நியமிக்கப்படுவார் என உச்சநீதிமன்றத்தில் மத்திய அரசு தெரிவித்துள்ளது.
நீதிபதிகள் நியமனம் தொடர்பாக கொலிஜீய பரிந்துரை குறித்த வழக்கு, உச்சநீதிமன்ற நீதிபதி எஸ்.கே.கௌல் தலைமையிலான அமர்வு விசாரித்து வருகிறது. இன்று நடைபெற்ற விசாரணையில், மணிப்பூர் உயர்நீதிமன்ற தலைமை நீதிபதி சித்தார்த் மிருதுள் விரைவில் நியமிக்கப்படுவார் என்ற மத்திய அரசு அளித்த உறுதியை பதிவு செய்து கொண்டது. அடுத்த விசாரணைக்குள் நியமனம் செய்திருக்க வேண்டும் என்றும் தெளிவுப்படுத்தியது.