தெலங்கானா மாநில சட்டப்பேரவைத் தேர்தலில், தெலுங்கு நடிகர் பவன் கல்யாணின் ஜனசேனா கட்சி 32 தொகுதிகளில் போட்டியிடும் என அறிவிக்கப்பட்டுள்ளது. சிரஞ்சீவியின் தம்பியும், நடிகருமான பவன் கல்யாண், ஜனசேனா என்ற பெயரில் அரசியல் கட்சி நடத்தி வருகிறார். ஆந்திராவில் தெலுங்கு தேசம் கட்சியுடன் கூட்டணி வைத்துள்ள அவர், தெலங்கானாவில் கூட்டணி வைக்காமல், 32 தொகுதிகளில் தனது கட்சி போட்டியிடும் என அறிவித்துள்ளார். மேலும், 32 தொகுதிகளுக்கும் வேட்பாளர் பட்டியலையும் பவன் கல்யாண் வெளியிட்டுள்ளார். விரைவில் பிரச்சாரத்தை தொடங்குவார் என தெரிவிக்கப்பட்டுள்ளது.