அதிக சத்தத்துடன் பப்புகளில் குத்தாட்டம்...அதிகாலை 3 மணிக்கு நுழைந்த போலீஸ்.. அடுத்து நடந்த அதிரடி

அதிக சத்தத்துடன் பப்புகளில் குத்தாட்டம்...அதிகாலை 3 மணிக்கு நுழைந்த போலீஸ்.. அடுத்து நடந்த அதிரடி

புதுச்சேரியில், அனுமதிக்கப்பட்ட நேரத்தை தாண்டி, நள்ளிரவில் இயங்கிய பப்புகளுக்குள் போலீசார் அதிரடியாக நுழைந்து, மதுபோதையில் இருந்த நபர்களை வெளியேற்றினர்.புதுச்சேரியில் 200-க்கும் மேற்பட்ட ரெஸ்டோ பார் மற்றும் பப் பார்கள் நள்ளிரவு 12 மணி வரை இயங்க அனுமதி அளிக்கப்பட்டுள்ளது. ஒயிட் டவுன் உள்ளிட்ட நகர்ப்பகுதியில் இயங்கும் ரெஸ்டோ பார் மற்றும் பப் பார்கள், அனுமதிக்கப்பட்ட நேரத்தை தாண்டி இயங்குவதாக தொடர்ந்து புகார்கள் எழுந்தன. இந்நிலையில், மகாத்மா காந்தி வீதி மற்றும் மிஷன் வீதியில் உள்ள இரண்டு பப்புகள், அனுமதிக்கப்பட்ட நேரத்தை தாண்டி அதிகாலை 3 மணி வரை அதிக சத்தத்துடன் இயங்குவதாகக்கூறி, அப்பகுதி இளைஞர்கள் மற்றும் குடியிருப்பு வாசிகள், பெரியகடை காவல்நிலையத்தில் புகார் அளித்தபின், பப் வாசலில் அமர்ந்து தர்ணாவில் ஈடுபட்டனர். சம்பவ இடத்திற்கு வந்த போலீசார் பப்புகளுக்குள் அதிரடியாக உள்ளே நுழைந்து, அங்கு மதுபோதையில் இருந்தவர்களை எச்சரித்து வெளியேற்றினர்.