சந்திரயான்-3 திட்ட இயக்குநர் வீரமுத்துவேலின் உருவத்தை தத்ரூபமாக வரைந்து ஓவிய ஆசிரியர் வாழ்த்து தெரிவித்துள்ளார்.
கள்ளக்குறிச்சி மாவட்டம் ரிஷிவந்தியம் அடுத்த சிவனார்தாங்கல் கிராமத்தில், ஊராட்சி ஒன்றிய நடுநிலைப் பள்ளியில் பகுதிநேர ஓவிய ஆசிரியராக பணிபுரியும் மணலூர்பேட்டையை சேர்ந்த செல்வம், சந்திரயான்-3 வெற்றிக்காக வீரமுத்துவேலுவுக்கு வாழ்த்து தெரிவித்து ஓவியம் வரைந்தார். பிரஷ் பயன்படுத்தாமல் பேப்பர் ராக்கெட்டை தூரிகையாக்கி, வீரமுத்துவேலின் உருவத்தை 10 நிமிடங்களில் வரைந்து அசத்தினார். இதனைக் கண்ட பொதுமக்கள், ஓவிய ஆசிரியருக்கும், விஞ்ஞானி வீரமுத்துவேலுவுக்கும் பாராட்டு தெரிவித்தனர்.