ரூ.100ஐ கடந்த பெட்ரோல் விலை

சென்னையில் பெட்ரோல் விலை மீண்டும் 100 ரூபாயை கடந்த விற்பனை செய்யப்படுவதால் வாகன ஓட்டுநர்கள் அதிர்ச்சி அடைந்துள்ளனர். கடந்த ஜனவரி மாதம் முதல் படிப்படியாக உயர்ந்த பெட்ரோல், டீசல் விலை உச்சத்தை தொட்டது. இதன் காரணமாக தமிழகத்தில் பெட்ரோல் விலை 100ஐ கடந்த விற்பனை செய்யப்பட்டது.இதையடுத்து தமிழக அரசு மூன்று ரூபாய் வரி குறைத்ததால், கடந்த ஆகஸ்ட் 14ஆம் தேதி முதல் பெட்ரோல் விலை சரிந்தது. 100 ரூபாயைத் தாண்டி விற்பனையான பெட்ரோல் விலை, அதற்கும் கீழ் குறைந்தது. அதன் பின்னரும் விலை குறைந்து கொண்டே வந்தது. டீசல் விலையும் அதே போல் விலை சரிந்து காணப்பட்டது.