காந்தியின் 153-வது பிறந்தநாள் விழா - நினைவிடத்தில் தலைவர்கள் மரியாதை

காந்தியின் பிறந்தநாளையொட்டி, டெல்லியில் உள்ள அவரது நினைவிடத்தில் குடியரசு தலைவர், பிரதமர் மோடி உள்ளிட்டோர்  மலர்தூவி மரியாதை செலுத்தினர். மகாத்மா காந்தியின் 153-வது பிறந்தநாள் விழா நாடு முழுவதும் கொண்டாடப்பட்டு வருகிறது. இதையொட்டி, டெல்லி ராஜ்காட்டில் உள்ள அவரது நினைவிடத்தில் அரசியல் கட்சி தலைவர்கள் மரியாதை செலுத்தி வருகின்றனர். ராஜ்காட்டிற்கு வருகை தந்த குடியரசு தலைவர் ராம்நாத் கோவிந்த், துணை குடியரசு தலைவர் வெங்கய்யா நாயுடு, பிரதமர் நரேந்திரமோடி, மக்களவை சபாநாயகர் ஓம் பிர்லா உள்ளிட்டோர் மலர்தூவி மரியாதை செலுத்தினர். முன்னதாக காங்கிரஸ் இடைக்கால தலைவர் சோனியா காந்தி, டெல்லி முதலமைச்சர் அரவிந்த் கெஜ்ரிவால், துணை முதலமைச்சர் மணிஷ் சிசோடியா உள்ளிட்டோர் காந்தி நினைவிடத்தில் மரியாதை செலுத்தினர்.