பி.டெக். மாணவி குத்திக் கொலை - பரபரப்பை ஏற்படுத்திய சிசிடிவி காட்சிகள்

ஆந்திராவில் பி.டெக். மாணவியை ஒருதலைக் காதலால் கல்லூரி மாணவனே குத்திக் கொலை செய்த சம்பவம் பெரும் பரபரப்பை ஏற்படுத்தி உள்ளது. குண்டூரில்  பி.டெக். மூன்றாம் ஆண்டு படிக்கும் மாணவி ரம்யா தன் வீட்டுக்கு அருகே உள்ள ஹோட்டலுக்கு உணவு வாங்க வந்துள்ளார். அப்போது அங்கு இருசக்கர வாகனத்தில் வந்த இளைஞர் ஒருவர் ரம்யாவுடன் நீண்ட நேரம் பேசிக் கொண்டிருந்ததோடு மாணவியை தன்னுடன் வருமாறு அழைத்துள்ளார். ஆனால் ரம்யா அதற்கு மறுக்கவே, ஆத்திரமடைந்த அந்த இளைஞர் தான் வைத்திருந்த கத்தியால் ரம்யாவை கழுத்து, வயிறு உள்ளிட்ட இடங்களில் குத்தினார். இதில் அவர் சம்பவ இடத்திலேயே உயிரிழந்தார். இந்த சம்பவத்தின் சிசிடிவி காட்சிகள் வெளியாகி பரபரப்பை ஏற்படுத்தி உள்ளது.