எல்லையில் துப்பாக்கிச்சூடு- 3 தீவிரவாதிகள் சுட்டுக்கொலை
ஜம்மு காஷ்மீர் எல்லையில் அத்துமீறி நுழைந்த தீவிரவாதிகள் மீது ராணுவத்தினர் துப்பாக்கிச்சூடு நடத்தினர்.
குப்வாரா மாவட்டத்தில் தீவிரவாதிகள் அத்துமீறி நுழைந்ததை கண்ட ராணுவத்தினர், அவர்கள் மீது துப்பாக்கிச்சூடு நடத்தினர். இதில் 3 தீவிரவாதிகள் சுட்டுக்கொல்லப்பட்டனர். முன்னதாக, தீவிரவாதிகள் நடத்திய தாக்குதலில் ராணுவ அதிகாரி, எல்லைப் பாதுகாப்பு படை வீரர் உள்பட 4 வீரர்கள் வீரமரணம் அடைந்ததாக ஸ்ரீநகர் பாதுகாப்புப்படை செய்தி தொடர்பாளர் ராஜேஷ் கலியா தெரிவித்தார்.