கொரோனா பாதித்தவருடன் பயணித்த தமிழக பயணிகள் - 46 பேரின் பட்டியலை அனுப்பியுள்ளது கேரளா

கொரோனா பாதிக்கப்பட்ட நபருடன் விமானத்தில் பயணித்த தமிழகத்தை சேர்ந்த 21 பேர் உட்பட 46 பேரின் விபரங்கள் அடங்கிய பட்டியலை தமிழக அரசுக்கு கேரள அரசு அனுப்பியுள்ளது. கடந்த 10ஆம் தேதி, பக்ரைனில் இருந்து திருவனந்தபுரம் வந்த விமானத்தில் பயணித்த ஒருவருக்கு கொரோனா உள்ளது கண்டறியப்பட்டுள்ளது. இதையடுத்து அந்த விமானத்தில் பயணித்த தமிழகத்தை சேர்ந்த 21 பேர் மற்றும் வேறொரு விமானத்தில் திருவனந்தபுரம் வந்த 25 பேரின் பட்டியலை கேரள அரசு அனுப்பியுள்ளது. பட்டியலில் உள்ள அனைவருக்கும் ரத்த பரிசோதனை மேற்கொள்ள கேரள அரசு வேண்டுகோள் விடுத்துள்ளது.