கோவிலுக்கு வரும் பெண்களிடம் நகை திருட்டு : போலீசில் சிக்கிய 22 வயது இளம்பெண்

புதுச்சேரியில், விசேஷ நாட்களில் கோவிலுக்கு வரும் பெண்களிடம் தொடர்ந்து நகை திருட்டில் ஈடுபட்ட இளம்பெண்ணை போலீசார் கைது செய்துள்ளனர். போலீசாருக்கு கிடைத்த ரகசிய தகவலை அடுத்து, கோரிமேடு பகுதியில் பதுங்கி இருந்த, திருச்சியை சேர்ந்த பாண்டீஸ்வரி என்ற 22 வயது பெண்ணை கைது செய்தனர். அவரிடம் இருந்து 17 சவரன் நகைகளை பறிமுதல் செய்ததோடு, தப்பி சென்ற மற்றொரு பெண் குறித்து விசாரணை மேற்கொண்டு வருகின்றனர்.