மஹாராஷ்டிராவில் ஆட்சி அமைப்பது யார்?

மஹாராஷ்டிராவில், தேர்தல் முடிவு வெளிவந்து, 12 நாட்களுக்கு மேலாகியும் ஆட்சி அமைப்பதில் இழுபறி நிலை நீடித்து வருகிறது. ஆட்சியில் சம பங்கு - சுழற்சி முறையில் முதலமைச்சர் பதவி என, சிவசேனா தொடர்ந்து பிடிவாதம் பிடிப்பதால், தாமதம் நிலவுகிறது.மொத்தமுள்ள 288 தொகுதிகளில், பாஜக தனித்து 105 இடங்களில் வெற்றி பெற்றது.  பாஜகவுக்கு R.S.P, J.S.S, B.V.A, PWPI மற்றும் 7 சுயேட்சைகள் ஆதரவு என இக்கூட்டணியின் பலம் 118 ஆக உள்ளது.

56 இடங்களை பிடித்த சிவசேனாவுக்கு, P.J.P , K.S.P., மற்றும் சுயேட்சை உறுப்பினர்கள் 6 பேர் ஆதரவுடன் அக்கூட்டணி 65 இடங்களை வைத்துள்ளது.காங்கிரஸ் - 44 , தேசியவாத காங்கிரஸ் - 54  மற்றும் இதர கட்சிகள் ஆதரவுடன் ஐக்கிய முற்போக்கு கூட்டணி 99 இடங்களை பிடித்துள்ளது.இதுதவிர, இதர கட்சிகள் சார்பில், 6 உறுப்பினர்கள் உள்ளனர்.எனவே, ஆட்சி அமைக்க 145 உறுப்பினர்கள் தேவை.