ஹரியானா தேர்தல்: வாக்குறுதிகளை அள்ளி வீசும் கட்சிகள்
ஹரியானா மாநில சட்டப்பேரவைக்கு அடுத்த மாதம் 21ஆம் தேதி தேர்தல் நடைபெற உள்ள நிலையில் அங்கு பிரசாரம் சூடுபிடித்துள்ளது.
ஹரியானாவில், ஆட்சியை பிடிக்கவும் ஆட்சியை தக்க வைக்கவும், காங்கிரஸ், பாஜக, இந்திய தேசிய லோக் தளம் ஆகிய கட்சிகளுக்கிடையே கடும் போட்டி நிலவுகிறது. இதனால், பல்வேறு கவர்ச்சிகரமான வாக்குறுதிகளை, கட்சியினர் அறிவித்து வருகின்றனர். திருமண நிதியுதவித் தொகையாக பெண்களுக்கு 5 லட்ச ரூபாய், வேலைவாய்ப்பற்ற இளைஞர்களுக்கு மாதம் 15 ஆயிரம் ரூபாய் உதவித்தொகை. இலவச வீடுகள் மற்றும் விவசாய கடன் தள்ளுபடி உள்ளிட்ட அறிவிப்புகள், பொதுமக்களின் கவனத்தை வெகுவாக ஈர்த்துள்ளன.