நீதிபதிகள் பணியிட மாற்றம் : உச்ச நீதிமன்ற கொலிஜீயம் விளக்கம்

நீதி நிர்வாக நலனை மேம்படுத்தும் நோக்கில், அனைத்து அம்சங்களையும் கருத்தில் கொண்டு நீதிபதிகளை இடமாற்றம் செய்யும் முடிவை மேற்கொண்டதாக உச்சநீதிமன்ற செகரட்டரி ஜெனரல் தெரிவித்துள்ளார். இது குறித்து வெளியிடப்பட்டுள்ள அறிக்கையில், நீதிபதிகள் இடமாற்றத்துக்கான காரணங்கள் தொடர்பாக கொலிஜீயத்தில் எடுக்கப்பட்ட முடிவுகள் நீதித்துறை நலன் சார்ந்து பொதுவாக வெளியிடப்படுவதில்லை என்றும் அவர் கூறியுள்ளார். அவசியம் ஏற்படும் பட்சத்தில் கொலிஜீயத்தில் எடுக்கப்பட்ட முடிவுகளை வெளியிட தயங்க மாட்டோம் என்றும் கூறப்பட்டுள்ளது.