புத்துமாரியம்மன் கோவில் கும்பாபிஷேக விழா - முதலமைச்சர் நாராயணசாமி சாமி தரிசனம் செய்தார்

புதுச்சேரி அருகே வில்லியனூர் புத்துமாரியம்மன் கோவில் கும்பாபிஷேக விழா நடைபெற்றது. இந்நிகழ்ச்சியில் முதலமைச்சர் நாராயணசாமி கலந்துகொண்டு சுவாமி தரிசனம் செய்தார். இக்கோவிலில் திருப்பணிகள் முடிவடைந்து, கடந்த 4 ஆம் தேதி விக்னேஷ்வர பூஜையுடன் கும்பாபிஷேகம் தொடங்கியது. இதனை தொடர்ந்து யாகசாலையில் இருந்து புனித நீருடன், கடம் புறப்பாடு நடத்தப்பட்டு, ஊர்வலமாக சென்று கோவில் கோபுரத்தில் புனிதநீர் ஊற்றப்பட்டது. பின்னர் மூலவருக்கு தீபாராதனை காண்பிக்கப்பட்டது. இந்நிகழ்ச்சியில் ஏராளமான பக்தர்கள் கலந்துகொண்டு சுவாமி தரிசனம் செய்தனர்