மோடி முகம் பொறித்த குல்பி ஐஸ்கிரீம் விற்பனை

17 வது மக்களவைத் தேர்தலில் பாஜக வெற்றிபெற்றதைக்  கொண்டாடும் விதமாக, மோடி முகம் பொறித்த குல்பி ஐஸ்கிரீம் விற்பனைக்கு வந்துள்ளது. குஜராத் சூரத் நகரைச் சேர்ந்த ஐஸ்கிரீம் கடை உரிமையாளர்  ஒருவர்  மோடி முகத்துடன் குல்பி ஐஸ்கிரீம் தயாரித்துள்ளார்.இயந்திரங்களைப் பயன்படுத்தாமல், பணியாளர்கள் மூலம் 24 மணி நேரத்தில் 200 குல்பி ஐஸ்கிரீம் தயாரிக்கப்பட்டுள்ளது. வரும் 30 ஆம் தேதி வரைதான் அந்த ஐஸ்கிரீம் விற்பனைக்கு கிடைக்கும் என்றும் கூறியுள்ளதுடன், 50 சதவீத  தள்ளுபடியில் விற்பனை செய்து வருவதாகவும் குறிப்பிட்டுள்ளார்.