59 மக்களவை தொகுதிகளில் 6-ம் கட்ட வாக்குப்பதிவு நிறைவு

நாடாளுமன்ற தேர்தல் நாடு முழுவதும் 7 கட்டங்களாக நடைபெற்று வரும் நிலையில் 7 மாநிலங்களில் உள்ள 59 மக்களவை தொகுதிகளில் நேற்று 6வது கட்ட வாக்குப்பதிவு நடைபெற்றது. உத்தரபிரதேசத்தில் 14 தொகுதிகள், அரியானாவில் 10 தொகுதிகள், பீகாரில் 8 தொகுதிகள், மேற்கு வங்கத்தில் 8 தொகுதிகள், மத்திய பிரதேசத்தில் 8 தொகுதிகள், டெல்லியில் 7 தொகுதிகள், ஜார்கண்டில் 4 தொகுதிகள் என மொத்தம் 59 தொகுதிகளில் உள்ள வாக்கு சாவடிகளில், பொதுமக்கள் வரிசையில் காத்திருந்து வாக்களித்தனர்.வாக்குப்பதிவு அமைதியான முறையில் நடந்து முடிந்துள்ள நிலையில், 63.43 சதவிகித வாக்குகள் பதிவாகியுள்ளன. அதிகபட்சமாக மேற்கு வங்கத்தில் 80.35 சதவீத வாக்குகளும், குறைந்தபட்சமாக டெல்லியில் 59.74 சதவீத வாக்குகளும் பதிவாகியுள்ளன.