கோவா கார்னிவல் திருவிழா கோலாகலம்

கோவாவின் பனாஜியில் நடப்பாண்டுக்கான கார்னிவல் நிகழ்ச்சி நடைபெற்றது. இதில் ராஜா, ராணியைப் போல் வேடம் அணிந்தவர்களும், காந்தி, மோடி வேடமிட்டவர்களும் வந்து பார்வையாளர்களை உற்சாகப்படுத்தினர். பேண்டு வாத்திய குழுவினர் நடனமாடியபடி வலம் வந்தனர். ராணுவ வீரர்களை போல் மிடுக்கான உடையணிந்தும் நிகழ்ச்சியில் சிலர் பங்கேற்றனர். ஆட்டம் பாட்டத்துடன் நடைபெற்ற நிகழ்ச்சியைக் காண, ஏராளமான சுற்றுலா பயணிகளும் திரளாக குழுமியிருந்தனர்.