ஜாமினில் வெளிவந்த ரவுடி ஓட ஓட விரட்டி படுகொலை

புதுச்சேரியில் ஜாமீனில் வெளிவந்த ரவுடியை மர்ம நபர்கள் வெட்டிப் படுகொலை செய்தனர். புதுச்சேரி முத்தியால்பேட்டையைச் சேர்ந்த பிரகாஷ் என்ற ரவுடி, கொலை வழக்கில் கைது செய்யப்பட்டு சிறையில் இருந்தார். கடந்த ஒரு மாதத்திற்கு முன்னர் ஜாமின் பெற்று வெளியில் வந்த பிரகாஷ், தனது வீட்டின் அருகே நடந்து சென்று கொண்டிருந்த 3 பேர் கொண்ட மர்ம கும்பல், அரிவாள், கத்தி உள்ளிட்ட ஆயுதங்களால், ஓட ஓட விரட்டி தாக்கியது. இதனால் ரத்த வெள்ளத்தில் இருந்த பிரகாஷை அக்கம்பக்கத்தினர் மருத்துவமனைக்கு கொண்டு செல்ல முற்பட்டனர். ஆனால், மருத்துவமனை செல்லும் வழியிலேயே பிரகாஷ் உயிரிழந்தான். பொங்கல் பண்டிகையின் போது மது போதையில், தனது நண்பர்கள் சிலரிடம் பிரகாஷ் தகராறில் ஈடுபட்டதாகவும் அதற்கு பழி வாங்கும் விதமாக கொலை நடந்திருக்கலாம் எனவும் போலீசார் சந்தேகிக்கின்றனர்.