அந்தமான் பொதுக்கூட்டத்தில் பிரதமர் மோடி உரை

போர்ட் பிளேய்ரில் மெரினா பார்க் திடலில் நடைபெற்ற பொதுக்கூட்டத்தில் பிரதமர் மோடிஉரையாற்றினார்.

அப்போது மக்களை நோக்கி, நேதாஜி சுபாஷ் சந்திர போஸ் உள்ளிட்ட தியாகிகளுக்கு அஞ்சலி செலுத்தும் விதமாக  செல்போன்களின் பிளாஷ் லைட்டை ஆன் செய்வோம்  எனக் கேட்டுக் கொண்டார். இதனையடுத்து பல்லாயிரக்கணக்கான மக்கள் தங்கள் செல்போன் பிளாஷ் லைட்டை ஆன் செய்து சமிக்கை செய்தனர்.

முன்னதாக  போர்ட் பிளேய்ரின் சவுத் பாய்ன்டில்  150 அடி உயர கம்பத்தில் தேசியக் கொடி ஏற்றி வைத்ததுடன்,  அங்குள்ள ராஸ், நீல், ஹேவ் லாக் ஆகிய தீவுகளுக்கு நேதாஜி சுபாஷ் சந்திர போஸ், சஹீத் த்வீப், சுவராஜ் த்வீப் என பெயர்களை  அறிவித்தார்.  மக்களின் முக்கிய  பிரச்சினையாக உள்ள கடல் அரிப்பைத் தடுக்க தடுப்புச் சுவர் அமைப்பதற்கான அடிக்கல் நாட்டும் நிகழ்ச்சியிலும் பிரதமர் கலந்து கொண்டார்.