இரண்டு பெண்களை அழைத்து வந்தால் கோவிலை பூட்டிவிடுவேன் என தந்திரி தெரிவித்தார் - கேரள ஐ.ஜி ஸ்ரீஜித்

பத்திரிகையாளர் கவிதா மற்றும் சமூக செயற்பாட்டாளர் ரஹேனா பேகம் ஆகியோரை சபரிமலை அய்யப்பன் கோவில் வளாகத்துக்கு அழைத்து சென்றதாக ஐ.ஜி. ஸ்ரீஜித் தெரிவித்துள்ளார். சபரிமலையில் செய்தியாளர்களிடம் பேசிய கேரள ஐ,ஜி. ஸ்ரீஜித், நாங்கள் தந்திரி பதிலுக்காக வெகுநேரம் காத்திருந்தோம். ஆனால் 2 பேரும் அய்யப்பனை தரிசனம் செய்ய, கோவிலை திறக்க தந்திரி மற்றும் தலைமை குருக்கள் மறுத்துவிட்டதாகவும் கூறினார். மீறி 2 பேரையும் அழைத்து வந்தால், கோவில் நடையை சாத்திவிடுவோம் என தந்திரி ராஜிவரூ கண்டரரூ தெரிவித்ததாகவும், இது பாரம்பரிய பேரழிவாக அமைந்துவிடும் என்றும் ஐ.ஜி. தெரிவித்தார்.  கோவில் வரை அவர்கள் இருவரையும் பத்திரமாக அழைத்து ​சென்றோம் என்றும், தரிசனம் என்பது, சம்மந்தப்பட்ட தந்திரியின் இசைவோடு நடைபெறுவதும் என்றும் ஸ்ரீஜித் தெரிவித்தார். 2 பெண்களுக்கும் எத்தகைய பாதுகாப்பு தேவையோ அதனை அளித்ததாகவும் அவர் கூறினார்.