சாலையில் ஆற்று வெள்ளத்தில் சிக்கிய கார் - தமிழகத்தைச் சேர்ந்த 8 பேரை படகில் சென்று மீட்ட மீட்புப் படையினர்

கர்நாடகாவில் உள்ள குடகு மாவட்டத்தில் கடந்த 10 நாட்களாக கனமழை பெய்து வருகிறது. இதனால் பல இடங்களில் சாலைகளில் மரங்கள் விழுந்துள்ளதால் போக்குவரத்து பாதிக்கப்பட்டுள்ளது. கனமழை காரணமாக பள்ளிகளுக்கு கடந்த 6 நாட்களுக்கு விடுமுறை விடப்பட்டுள்ளது. இந்நிலையில், தலைகாவிரிக்கு காரில் சுற்றுலா சென்ற தமிழகத்தைச் சேர்ந்த 8 பேர், பாகமண்டலா என்ற இடத்தில், சாலையில் பெருக்கெடுத்த காவிரி ஆற்று வெள்ளத்தில் சிக்கிக் கொண்டனர். தகவல் அறிந்த மீட்புப்படையினர் படகு மூலம் அனைவரையும் பத்திரமாக மீட்டனர்.