3-வது குழந்தைக்கு தந்தையானார் சிவகார்த்திகேயன்.. என்ன குழந்தை தெரியுமா?

நடிகர் சிவகார்த்திகேயன் - ஆர்த்தி தம்பதிக்கு, 3-ஆவதாக ஆண் குழந்தை பிறந்துள்ளது. அந்த தம்பதிக்கு ஏற்கனவே ஆராதனா, குகன் தாஸ் என்ற இரு குழந்தைகள் இருக்கும் நிலையில், சிவகார்த்திகேயன் மனைவி ஆர்த்தி, மூன்றாவது முறையாக கர்ப்பமாக இருந்தார். இது குறித்த வீடியோ ஒன்று வெளியாகி வைரலானது. இந்த நிலையில், நிறைமாத கர்ப்பிணியாக இருந்த ஆர்த்திக்கு நேற்று இரவு அழகிய ஆண் குழந்தை பிறந்த தகவலை, சிவகார்த்திகேயன் அதிகார பூர்வமாக தெரிவித்துள்ளார். சமூக வலை தளங்களில் ரசிகர்கள் அவருக்கு வாழ்த்து தெரிவித்து வருகின்றனர்.