அமெரிக்க நடிகர் ஜானி வாக்டர், திருடர்களால் சுட்டுக்கொலை செய்யப்பட்ட சம்பவம் ஹாலிவுட் வட்டாரத்தில் அதிர்ச்சியை ஏற்படுத்தியுள்ளது. ஜெனரல் ஹாஸ்பிடல் என்ற தொடர் மூலம் பிரபலமான ஜானி வாக்டர், கடந்த 25ம் தேதி அதிகாலை வேளையில் தனது காரை எடுக்கச் சென்றுள்ளார். அப்போது அங்கு முகமூடி அணிந்திருந்த மர்ம நபர்கள், அவர் காரில் இருந்து உதிரி பாகங்களை திருட முயன்றுள்ளனர். அதனை தட்டிக்கேட்க அவர் முயன்ற போது, மர்ம நபர்கள் அவரை துப்பாக்கியால் சுட்டதில், அவர் உயிரிழந்தார். ஜானி வாக்டர் மரணம் அதிர்வலைகளை ஏற்படுத்தியுள்ள நிலையில், அவரது ரசிகர்களும், ஹாலிவுட் பிரபலங்களும் அவருக்கு இரங்கல் தெரிவித்து வருகின்றனர்.