வெங்கட் பிரபு இயக்கத்தில் விஜய் நடித்துள்ள, தி கிரேட்டஸ்ட் ஆஃப் ஆல் டைம் படம் வெளியாகி ரசிகர்களிடையே நல்ல வரவேற்பை பெற்றுள்ளது. படம் வெளியாகி 4 நாட்கள் ஆன நிலையில், உலகம் முழுவதும் இதுவரை 288 கோடி ரூபாய் வசூல் செய்துள்ளதாக படக்குழு அறிவித்துள்ளது. இதுகுறித்த போஸ்டர் ஒன்றை பதிவிட்டுள்ள படக்குழு, நடிகர் விஜய்க்கும், இயக்குனர் வெங்கட் பிரபுவுக்கு நன்றி தெரிவித்துள்ளது. சமீபத்தில் பெரிய நடிகர்களின் படங்கள் வசூலில் பின்னடைவை சந்தித்த நிலையில், விஜய்யின் தி கோட் திரைப்படம் பாக்ஸ் ஆபிசில் முதலிடம் பிடித்துள்ளது என்பது குறிப்பிடத்தக்கது.