தமிழ் சினிமாவின் முன்னணி நடிகரான சியான் விக்ரம் நடிப்பில் உருவாகியுள்ள திரைப்படம் 'கோப்ரா'.
டிமான்ட்டி காலனி, இமைக்கா நொடிகள் உள்ளிட்ட திரைப்படங்களை இயக்கிய அஜய் ஞானமுத்து டைரக்ஷனில் இந்த படம் உருவாகி இருக்கிறது.
நடிகர் விக்ரம் 9 கெட்டப்புகளில் நடித்துள்ள இப்படம் நேற்று உலகம் முழுவதும் திரையரங்குகளில் வெளியானது
மிகுந்த எதிர்பார்ப்பை ஏற்படுத்திய இப்படம், கலவையான விமர்சனங்களையும் பெற்று வருது.
இப்படத்தின் நீளம் 3 மணி நேரம் இருப்பதாக சமூக வலைத்தளங்களில் ரசிகர்கள் கருத்துக்களை பகிர்ந்து வருகின்றனர்.இதை கவனித்த படக் குழுவினர், ரசிகர்களின் கோரிக்கையை ஏற்று படத்தின் நீளத்தில் 20 நிமிடங்கள் குறைத்து இருக்கிறார்கள்.
இதுதொடர்பான அதிகாரப்பூர்வ அறிவிப்பையும் ஒரு அறிக்கையாக படக்குழு வெளியிட்டுள்ளது.