தமிழகத்தில் மின் உதிரிபாகங்கள் பற்றாக்குறை என்ற பேச்சுக்கே இடமில்லை என மின்சாரத்துறை அமைச்சர் தங்கமணி தெரிவித்துள்ளார்.

வைதீக முறைப்படி நடக்கும் திருமணத்தை குறைசொல்ல வேண்டும் என்ற எண்ணம் தமக்கு இல்லை என திமுக தலைவர் ஸ்டாலின் தெரிவித்துள்ளார்.

காவிரி ஒழுங்காற்று குழுவின் 19வது கூட்டம் திருச்சியில் இன்று நடைபெற்று வருகிறது.

பள்ளிக், கல்லூரிகளில் இந்து மாணவர்களை ஒருங்கிணைக்க செயல்பட்டு வரும் குழு குறித்து விசாரிக்குமாறு கல்வித் துறை உத்தரவிட்டுள்ளது.

சூரியனையும், சந்திரனையும் ஆய்வு செய்ய ராக்கெட் அனுப்பிய நிலையில், கால்வாய் கட்ட சாத்தியமில்லை என கூறுவதா என தமிழக அரசுக்கு உயர் நீதிமன்றம் கண்டனம் தெரிவித்துள்ளது.

கொத்தடிமைகளாக இருந்து மீட்கப்பட்ட ஆயிரத்து 200 பேருக்கு மறுவாழ்வு அளிக்கும் நிகழ்ச்சி சென்னையில் நடைபெற்றது.

அரசு போக்குவரத்து ஊழியர்களை, அரசு ஊழியர்களாக அறிவிக்குமாறு தேமுதிக தலைவர் விஜயகாந்த் கேட்டுக் கொண்டுள்ளார்.

கீழடியில் கிடைத்த 750 முக்கிய பொருள்கள் மதுரை உலக தமிழ் சங்க கட்டிட வளாகத்தில் வருகிற 23 ம் தேதி துவங்கும் கண்காட்சியில் இடம்பெறும் என அமைச்சர் மாஃபா பாண்டியராஜன் தெரிவித்துள்ளார்.

தேனியில் பாலியல் வன்கொடுமையால் பாதிக்கப்பட்ட 7 வயது சிறுமிக்கு ஒரு மாதத்தில் 7 லட்ச வழங்க வேண்டும் என தமிழக அரசுக்கு நீதிமன்றம் உத்தரவிட்டுள்ளது.

தமிழகத்தில் டெங்கு காய்ச்சலை கட்டுப்படுத்த அனைத்து நடவடிக்கைகளும் எடுக்கப்பட்டுள்ளதாக, தமிழக அரசு தெரிவித்துள்ளது.

அடுத்த ஆண்டு, ஹஜ் யாத்திரை செல்லும் முஸ்லீம்கள், ஆன்-லைனில் மட்டுமே விண்ணப்பிக்க முடியும் என்று இந்திய ஹஜ் யாத்திரை குழு தெரிவித்துள்ளது.

தமிழக அரசின் லாபம் ஈட்டும் பொதுத்துறை நிறுவன ஊழியர்களுக்கு 20 சதவிகிதம் தீபாவளி போனஸ் அறிவிக்கப்பட்டுள்ளது