கோவையில், ஜாக்டோ ஜியோ அமைப்பினர் ஆர்ப்பாட்டத்தில் ஈடுபட்டனர்.

ஆசிரியர்கள் பணிக்கு திரும்பி விட்டதாக பள்ளிக்கல்வித்துறை இயக்குநர் ராமேஸ்வரன் முருகன் தெரிவித்துள்ளார்.

சென்னை மாநகரை பொறுத்தவரை பெரும்பாலான ஆசிரியர்கள் பணிக்கு திரும்பி விட்டதாக மாவட்ட முதன்மை கல்வி அலுவலர் திருவளர் செல்வி தெரிவித்துள்ளார்.

போராட்டத்தில் ஈடுபட்டுள்ள ஆசிரியர்கள், இன்று காலை 9 மணிக்குள் பணிக்கு திரும்பாவிட்டால் அவர்களது இடம் காலியிடமாக அறிவிக்கப்படும் என்று, பள்ளிக்கல்வித்துறை இறுதி கெடு விதித்துள்ளது.

போராட்டத்தில் ஈடுபட்டுள்ளவர்களை கைது செய்யும் அரசின் நடவடிக்கைக்கு இடைக்கால தடை விதிக்க உயர்நீதிமன்ற மதுரை கிளை மறுத்துவிட்டது.

மாணவர்களின் நலனை கருத்தில் கொண்டு ஆசிரியர்கள் போராட்டத்தை தற்காலிகமாக கைவிட்டு பணிக்கு திரும்ப வேண்டும் என சரத்குமார் வேண்டுகோள் விடுத்துள்ளார்.

திருவள்ளூர் மாவட்டம் ​கும்மிடிபூண்டியில் கோவில் வளாகத்தில் பொதுமக்களால் ஏற்பாடு செய்யப்பட்ட பெண் ஆசிரியர்கள் பாடம் நடத்தினர்.

போராட்டத்தில் ஈடுபட்டுள்ள ஆசிரியர்கள் நாளை காலை 9 மணிக்குள் பணிக்கு திரும்பாவிட்டால் அவர்களது இடம் காலியிடமாக அறிவிக்கப்படும் என்று பள்ளிக்கல்வித்துறை இறுதி கெடு விதித்துள்ளது.

போராட்டத்தில் ஈடுபட்டு வரும் ஆசிரியர்கள், பள்ளி இறுதி தேர்வை கருத்தில் கொண்டும் மாணவர்கள் நலனை கருதியும் போராட்டத்தை கைவிட்டு பணிக்கு திரும்ப வேண்டும் என்று பள்ளிக்கல்வித்துறை அமைச்சர் செங்கோட்டையன் மீண்டும் வேண்டுகோள் விடுத்துள்ளார்.

12 ம் வகுப்பு செய்முறை தேர்வு உட்பட அனைத்து தேர்வுகளும் திட்டமிட்டபடி நடைபெறும் என தேர்வுத்துறை இயக்குனர் வசுந்தராதேவி தெரிவித்துள்ளார்.

ஜாக்டோ-ஜியோ அமைப்பினருக்கு அரசு தேர்வுத்துறை ஊழியர்கள் ஆதரவு தெரிவித்துள்ளனர்.

வேலூர் மாவட்டம் ராணிப்பேட்டை அருகே ஆசிரியர்கள் பள்ளிக்கு வராததால் வகுப்பறைகள் பூட்டப்பட்டிருந்தன. இதனால் குழந்தைகளை பள்ளிக்கு அழைத்து வந்த பெற்றோர்கள் ஆத்திரமடைந்தனர்.