வெள்ளத்தால் பாதிக்கப்பட்ட கேரளாவுக்கு ஓசூர் பகுதி வருவாய்துறை சார்பில் 10 லட்ச ரூபாய் மதிப்பிலான நிவாரண பொருள்கள் லாரிகள் மூலம் அனுப்பப்பட்டன.

திருவனந்தபுரத்தில் செய்தியாளர்களிடம் பேசிய முதலமைச்சர் பினராயி விஜயன், ஐக்கிய அரபு நாடுகளில் இருந்து கேரள மாநிலத்திற்கு 700 கோடி ரூபாய் நிவாரண நிதி அறிவித்ததற்கு நன்றி தெரிவிப்பதாக கூறினார்.

பிரதமர் மற்றும் உள்துறை அமைச்சர் அறிவித்தபடி 600 கோடி ரூபாய் கேரளாவுக்கு விடுவிக்கப்பட்டுள்ளதாக தெரிவித்தார்.

தமிழகத்தில் இருந்து கேரளாவிற்கு ஏராளமான நிவாரணப் பொருட்கள் வந்து கொண்டிருப்பதாக, கேரளாவில் நிவாரணப் பொருட்கள் சேகரிப்பு மையத்தில் பணிபுரியும் தமிழகத்தைச் சேர்ந்த ஐ.ஏ.எஸ் அதிகாரி கோபாலகிருஷ்ணன் தெரிவித்துள்ளார்.