இதுவரை, தமிழகத்தில் 80 கோடி ரூபாயை பறக்கும் படையினர் பறிமுதல் செய்துள்ளனர்.

பறக்கும் படையினர் சாலையில் சோதனை செய்வார்கள் என்றும், வீடுகளுக்குள் சோதனை செய்வது வருமான வரித்துறையினர் என்றும், தேர்தல் அதிகாரி விளக்கம் அளித்தார்.

வருமான வரித் துறையினர், வேலூர் தி.மு.க. பிரமுகர் வீட்டில் தொடர்ந்து சோதனை மேற்கொண்டு வருவதாக தலைமை தேர்தல் அதிகாரி சத்யபிரத சாகு கூறினார்.

வாக்காளர்களுக்கு விநியோகிப்பதற்காக, சப்பாத்திக்குள் ரூபாய் நோட்டை மறைத்து வைத்து, விநியோகம் செய்யும் முறையை, கர்நாடக சிறைத்துறை முதல் பெண் போலீஸ் ஐ.பி.எஸ். ரூபா, வீடியோவாக வெளியிட்டுள்ளார்.

கோவையில் துணை முதலமைச்சர் பன்னீர்செல்வம் தலைமையில் நடைபெற்ற பிரச்சார கூட்டத்தில், பெண்களின் நடனம் அனைவரையும் கவர்ந்தது.

சமீபத்தில் மறைந்த முன்னாள் மத்தியமைச்சர் அம்பரீஷ் மனைவி, நடிகை சுமலதா கர்நாடக மாநிலம் மாண்டியா தொகுதியில் சுயேட்சையாக களம் இறங்கியுள்ளார்.

தஞ்சாவூர் தமிழ் மாநில காங்கிரஸ் கட்சி வேட்பாளரான நடராஜனுக்கு ஆதரவாக, இளைஞரணி தலைவர் யுவராஜ், ஆட்டோ ஓட்டி சென்று வாக்கு சேகரித்தார்.

தேர்தல் செலவிற்கு, பணம் தேவைப்படுவதால், 50 லட்சம் ரூபாய் கடன் கேட்டுள்ளார் நாமக்கல் வேட்பாளர்.

சேலத்தில் அ.தி.மு.க. வேட்பாளரை ஆதரித்து,சரத்குமார் பிரசாரம் செய்த போது, அங்கிருந்த தொண்டர் ஒருவர், திடீரென சாலைக்கு வந்து போக்குவரத்தை சரிசெய்தார்.

வடசென்னை தொகுதியில் போட்டியிடும் தி.மு.க. வேட்பாளர் கலாநிதியின் பிரசாரத்தின் போதும், நடனம் களை கட்டியது.

சிந்தாதிரிப்பேட்டையில், தி.மு.க. பிரசாரத்தின் போது ஒலிக்கப்பட்ட பாடலுக்கு ஏற்றார் போல், உற்சாகமாக சிலர் ஜோடியாக, நடனமாடினர்.