இன்று டிஜிபி-க்கள் மாநாடு - பிரதமர் உரையாற்றுகிறார்

டெல்லி பூசாவில் உள்ள தேசிய வேளாண் அறிவியல் வளாகத்தில் இன்று நடைபெறும் அகில இந்திய காவல்துறை தலைவர்கள் மாநாட்டில் பிரதமர் நரேந்திர மோடி, பங்கேற்கிறார். ஜனவரி 22 வரை நடைபெறும், 3 நாள் மாநாடு நேரடி மற்றும் காணொலி என இருவகைகளிலும் நடைபெறுகிறது. பல்வேறு மாநிலங்கள் மற்றும் யூனியன் பிரதேசங்களைச் சேர்ந்த காவல்துறை தலைவர்கள், மத்திய ஆயுதப்படைகளின் தலைவர்கள், என 100-க்கும் மேற்பட்டோர் இந்த மாநாட்டில் நேரடியாக பங்கேற்கின்றனர். மற்றவர்கள் நாட்டின் பல்வேறு பகுதிகளிலிருந்து காணொலி வாயிலாக கலந்து கொள்கின்றனர். இணையதளக் குற்றங்கள், காவல்துறையின் தொழில்நுட்பம், தீவிரவாத எதிர்ப்பில் உள்ள சவால் உள்ளிட்ட பல்வேறு அம்சங்கள் இந்த மாநாட்டில் விரிவாக விவாதிக்கப்படுகிறது.