தடுப்புகளை தாண்டி- அண்ணன் ஸ்டாலினுக்காக தம்பி ராகுலின் சாகசம்...மிரட்சியில் இருந்து மீளாத ஊழியர்கள்

கோவை ஸ்வீட் கடைக்கு ராகுல் காந்தி வந்தது இன்ப அதிர்ச்சியாக இருந்ததாகவும், அதில் இருந்து இன்னும் மீளவில்லை எனவும் கடை ஊழியர்கள் தெரிவித்துள்ளனர். நேற்று கோவை செட்டிபாளையத்தில் நடந்த பொதுக்கூட்டத்தில் பங்கேற்பதற்காக ராகுல்காந்தி காரில் வந்து கொண்டிருந்தார். சிங்காநல்லூரில் வந்தபோது, திடீரென காரை நிறுத்தி எதிர்திசையில் இருந்த ஸ்வீட் கடைக்கு சென்றார். அங்கு ஸ்வீட் வாங்கியதுடன், கடை ஊழியர்களுடன் போட்டோவும் எடுத்து கொண்டார். இந்த காட்சிகள் சமூக வலைதளங்களில் வைரலாகி உள்ளநிலையில், ராகுல் காந்தி எங்கள் கடைக்கு வந்தது இன்ப அதிர்ச்சியாக இருந்ததாகவும், அதில் இருந்து இன்னும் மீளவில்லை எனவும் அவர்கள் தெரிவித்துள்ளனர்...