மனநலம் பாதிக்கப்பட்ட பெண்ணை கல்லால் அடித்து கொலை செய்த போதை ஆசாமி
- விழுப்புரம் மாவட்டம் மரக்காணம் அருகே, பெண்ணை கல்லால் அடித்து கொலை செய்த இளைஞரை போலீசார் கைது செய்தனர். சந்தை தோப்பு பகுதியைச் சேர்ந்த பாலா என்று இளைஞருக்கும், அதே பகுதியைச் சேர்ந்த மனநலம் பாதிக்கப்பட்ட வளர்மதி என்ற பெண்ணுக்கும் இடையே தகராறு ஏற்பட்டுள்ளது. அப்போது, மதுபோதையில் இருந்த பாலா, வளர்மதியிடம் தகராறு செய்ததுடன், அருகே கிடந்த கல்லை எடுத்து தாக்கியதாக கூறப்படுகிறது. இதில் பலத்த காயமடைந்த வளர்மதி, சம்பவ இடத்திலேயே உயிரிழந்தார். தகவலின் பேரில் சம்பவ இடத்திற்கு வந்த போலீசார் வளர்மதியின் உடலை மீட்டு பிரேத பரிசோதனைக்கு அனுப்பி வைத்தனர். பின்னர், பாலாவை கைது செய்து போலீசார் தீவிர விசாரணை நடத்தி வருகின்றனர்.
Next Story
