மினி வேன் டயர் வெடித்து சாலையில் சிதறிய மீன்கள் - அள்ளி சென்ற மக்கள்

வேலூர் மாவட்டம் பள்ளிகொண்டா அருகே மினி வேன் கவிழ்ந்து சாலையில் சிதறி கிடந்த மீன்களை, பொதுமக்கள் போட்டிபோட்டு அள்ளிச் சென்றனர். விஜயவாடாவில் இருந்து கிருஷ்ணகிரிக்கு மீன் ஏற்றி சென்ற மினி வேன், பள்ளிகொண்டா அருகே டயர் வெடித்து விபத்தில் சிக்கியது. அதிலிருந்த 2 டன் மீன்கள் சாலையில் சிதறின. இதை கவனித்த அப்பகுதி மக்கள் ஓடோடி வந்து, தங்களால் முயன்ற அளவிலான மீன்களை எடுத்து சென்றனர். ஒரு சிலர் சாக்குப்பை, பாத்திரத்திலும், சிலர் லுங்கி, சேலைகளிலும் மீன்களை அள்ளிச் சென்றனர்.