பைக்கில் இருந்து விழுந்தவர் மீது வேன் மோதல்

தூத்துக்குடியில் பைக்கில் இருந்து தவறி விழுந்தவர் மீது மினி வேன் மோதிய காட்சிகள் வெளியாகி அதிர்ச்சியை ஏற்படுத்தி உள்ளது. தூத்துக்குடி முத்தையாபுரம் பகுதியை சேர்ந்த தனியார் நிறுவன மேலாளர் சமுத்திரபாண்டி என்பவர் புதிய பேருந்து நிலைய பாலம் அருகே மோட்டார் சைக்கிளில் சென்று கொண்டிருந்தார். அப்போது சாரல் மழை பெய்ததால் மோட்டார் சைக்கிளில் இருந்து அவர் தவறி சாலையில் விழுந்தார். அதேசமயத்தில் எதிரே வேகமாக வந்த மினிவேன் அவருடைய தலையில் ஏறி இறங்கியதில் அவர் சம்பவ இடத்திலேயே பரிதாபமாக பலியானார். அந்த வழியாக சென்ற ஆம்னி பஸ்சின் சிசிடிவி கேமராவில் பதிவான இந்த காட்சிகள் தற்போது வெளியாகி அதிர்ச்சியை ஏற்படுத்தி உள்ளது.