கீழப்பனையூர், திருமயம் அந்தோணியார் ஆலய விழா - வடமாடு மஞ்சுவிரட்டு போட்டியில் வீரர்கள் ஆர்வமுடன் கலந்து கொண்டு காளைகளை அடக்கினர்

திருமயம் அருகே நடைபெற்ற வடமாடு மஞ்சுவிரட்டு போட்டியில் வீரர்கள் ஆர்வமுடன் கலந்து கொண்டு காளைகளை அடக்கினர். கீழப்பனையூர் புனித அந்தோணியார் ஆலய பொங்கல் விழாவை முன்னிட்டு, வடமாடு மஞ்சுவிரட்டு போட்டி நடத்தப்பட்டது. இதில் கலந்து கொண்ட ஒவ்வொரு காளைக்கும் 25 நிமிடங்கள் அனுமதிக்கப்பட்டு வீரர்கள் களம் இறங்கினர். ஒவ்வொரு காளையையும் 9 வீரர்கள் அடங்கிய குழுவினர் அடக்கினர். போட்டியை சுற்றுவட்டார பகுதியை சேர்ந்த ஏராளமான பொதுமக்கள் நேரில் கண்டு ரசித்தனர். தொடர்ந்து காளையை அடக்கிய வீரர்களுக்கும், பிடிபடாத காளைகளுக்கும் பரிசுகள் வழங்கப்பட்டன.