"வேறு இடமே கிடைக்கலயா..?" - எமனோடு விளையாடிய இளைஞர்.. ஸ்ரீரங்கத்தில் அதிர்ச்சி

திருச்சி ஸ்ரீரங்கம் திருவானைக்காவல் அருகே உள்ள கொள்ளிடம் புதிய பாலத்தில் இளைஞர் ஒருவர் ஆபத்தை உணராமல் சாகசம் செய்த சம்பவம் பெரும் பரபரப்பை ஏற்படுத்தியுள்ளது. ஏற்கனவே இந்த பாலத்தின் நடுவில் உள்ள தடுப்பின் மேல் பைக் ஓட்டியது, பாலத்தின் மேல் இருந்து கொள்ளிடம் ஆற்றில் குதித்து விளையாடியது போன்ற ஆபத்தான காட்சிகள் சமூக வலைதளத்தில் பரவி வருகின்றன... இந்நிலையில் பாலத்தின் மேல் உள்ள சுவரில் இளைஞர் ஒருவர் நடந்து செல்வது, உடற்பயிற்சி செய்வது போன்ற ஆபத்தான செயல்களில் ஈடுபட்ட வீடியோ தற்போது அதிர்ச்சியை ஏற்படுத்தியுள்ளது... இது போன்ற செயல்களில் ஈடுபடும் இளைஞர்கள் மற்றும் சிறுவர்கள் மீது காவல்துறையினர் நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.