விடிய விடிய கொட்டிய மழை.. விடிந்ததும் மக்களுக்கு காத்திருந்த ஷாக்

திருவள்ளூர் மாவட்டம் திருநின்றவூரில் குடியிருப்புகளை மழைநீர் தேங்கியதால், பொதுமக்கள் வீடுகளை விட்டு வெளியேற முடியாமல் அவதியடைந்துள்ளனர். திருநின்றவூர் நகராட்சிக்குட்பட்ட பகுதிகளில் நேற்று பரவலாக மழை பெய்த‌து. இதனால், பெரியார் நகர், முத்தமிழ் நகர் உள்ளிட்ட இடங்களில் வீடுகளை சூழ்ந்து மழைநீர் தேங்கியது. தெருக்களில் முழங்கால் அளவுக்கு தண்ணீர் தேங்கிக் கிடப்பதால், பொது மக்கள் வீட்டை விட்டு வெளியேற முடியாத நிலை ஏற்பட்டுள்ளது. இதுகுறித்து நகராட்சி நிர்வாகத்திற்கு தகவல் அளித்தும் அதிகாரிகள் கண்டு கொள்ளவில்லை என்று வேதனை தெரிவித்தனர்.