ஓடும் பேருந்தில் இருந்து தவறி விழுந்து தலை நசுங்கி பலியான பெண்..! திருவள்ளூரில் அதிர்ச்சி சம்பவம்

திருவள்ளூர் மாவட்டம் பெரியபாளையம் அடுத்த மாளந்தூர் கிராமத்தை சேர்ந்த கூலி தொழிலாளியான கவிதா, உறவினர் வீட்டிற்கு செல்வதற்காக கும்மிடிப்பூண்டி நோக்கி சென்ற அரசு பேருந்தில் பயணித்தார். பெரியபாளையம் அடுத்த வடமதுரை அருகே பேருந்து சென்று கொண்டிருந்தபோது பேருந்தின் பின் இருக்கையில் அமர்ந்திருந்த கவிதா முன் இருக்கைக்கு செல்ல முயன்றுள்ளார். அப்போது எதிர்பாராத விதமாக கவிதா நிலை தடுமாறி பேருந்தின் பின்புற படிக்கட்டின் வழியாக தவறி கீழே விழுந்தார். இதில் தலையில் பலத்த காயம் அடைந்த கவிதா சம்பவ இடத்திலேயே பரிதாபமாக உயிரிழந்தார். சம்பவ இடத்திற்கு வந்த பெரியபாளையம் காவல்துறையினர் உயிரிழந்த கவிதாவின் சடலத்தை கைப்பற்றி விசாரணை நடத்தி வருகின்றனர்.