நாய்கள் துரத்தியதால் கிணற்றில் விழுந்து பலியான 17 ஆடுகள்

காங்கேயம் அருகே நாய்கள் கடித்து துரத்தியதால் 17 ஆடுகள் உயிரிழந்துள்ள சம்பவம் பரபரப்பை ஏற்படுத்தி உள்ளது. திருப்பூர் மாவட்டம் செம்மண்குழிப்பாளையத்தை சேர்ந்த பொன்னுசாமி என்பவர் 35 செம்மறி ஆடுகளை வளர்த்து வந்துள்ளார். இந்நிலையில் அதிகாலை அங்கு சுற்றித்திரிந்த தெரு நாய்கள் பட்டிக்குள் நுழைந்து ஆடுகளை கடித்தும் துரத்தியும் உள்ளது. இதில் தப்பிய செம்மறி ஆடுகள் அங்கிருந்து தப்பித்து அருகிலுள்ள கிணற்றுக்குள் தவறி விழுந்தன. பொதுமக்கள் உதவியுடன் நாய்கள் துரத்தப்பட்ட நிலையில், கிணற்றில் இருந்து இறந்த நிலையில் 17 ஆடுகள் மீட்கப்பட்டன. சுமார் 4 லட்சம் மதிப்பிலான ஆடுகள் உயிரிழந்த நிலையில், ஆட்டின் உரிமையாளரின் மனைவி, ஊராட்சிமன்ற தலைவரின் காலில் விழுந்து அழுத காட்சி காண்போரை கலங்க வைத்தது...